2024 I VISU-ÁLBUM I DKTC SONS

Cemento Musgo crece en lugares húmidos e escuros, a medio camiño entre o urbano e o rural,  ao redor de ruinas postindustriais reconquistadas pola vexetación.  Aliméntase de sons orgánicos e profundos subgraves 808, secuenciados a través de complexos patróns rítmicos. Fala un idioma antigo emitindo mensaxes universais a longas distancias en forma de métricas densas e poéticas disertacións. 

Cemento Musgo é o novo proxecto musical do  irmán Sokram ás voces(MC de DKTC), o produtor francés Coio na produción musical e o artista visual e Vj da crew A.L.Crego.

Xuntos levan a cabo un profundo exercicio de experimentación a catro niveis: música, letra, voz e videocreación.

O resultado é o seu Visu-Álbum  "Cemento Musgo", de título homónimo á banda e o seu primeiro traballo; 11 cancións e 11 videocreacións que conforman unha auténtica peza de arte audiovisual e conceptual.

Podes visualizalo ao completo no YOUTUBE

Ou ben soamente escoitar o audio no SPOTIFY e no resto de plataformas.

+ info/contratación:

https://linktr.ee/cementomusgo

https://www.luneda.gal/catalogo/cemento-musgo/

 2023 I LP I DKTC SONS

Para tan magno evento como o 2o aniversario destes ghichos queriamos liar unha boa e agasallarvos con algo que servira de recordo por estes Tremendos Anos 20. 

E así foi, coa vosa entrada, xs que viñestes recibístedes un DISCO-FANZINE que inclúe: 

20 remixes de 20 cancións nosas de pasado e presente, remixeadas por 20 produtores; e ao tempo:

20 ilustracións realizadas por 20 artistas gráficos, unha páxina por cada canción. 

Un Disco-Fanzine en formato A5, cos seus QR´s para as escoitas directas, musicado, ilustrado, maquetado e impreso con todo o cariño para que poiderades levar a casa unha lembranza física por este fermoso día de celebración.

Agora xa tamén o podedes escoitar e descargar aquí gratuítamente. 

 2022 I EP I DKTC SONS

Despois do último traballo da banda (En que anos estamos?!, 2022), este 5 de decembro chegou o novo de MØU, produtor e MC do colectivo. Hedra é a súa terceira referencia en solitario, un EP composto de 6 tracks nos que se destila a esencia e o eclecticismo dos discos de produtor de hip hop de finais dos 90, cargado dunha marcada atmosfera intimista que simboliza a adaptación ao medio, a capacidade de mimetismo en harmonía coa contorna, o espazo e o tempo. 

En Hedra a música instrumental cobra protagonismo, á vez que se fusiona en perfecta simbiose coas colaboracións vocais. Neste traballo podemos atopar as importantes achegas de High Paw (“Fume”), Saibran Yi Yi de Boyanka Kostova (“O sonho”), ou Sokram (“Saudando a saudade”) e Jamas de Dios Ke Te Crew (“A calma”). O EP abre, ademais, coa delicada colaboración do saxofonista Miguel González (Susana Seivane, Qando Vand…) e a do mítico Dj Murdock nos pratos. 

No apartado visual, Hedra conta coas fotos de Pixi Cas e co referente internacional do GIF art A. L. Crego, encargado de animar a portada do traballo e convertela no hipnótico pano de fondo desta cinematográfica viaxe sonora.

 2022 I EP I DKTC SONS

“En que ano estamos?!” é o novo EP que veñen a presentar despois do parón obrigado dos últimos dous anos de pandemias e novas anormalidades e co que volveron aos escenarios en 2022.

Un traballo composto por 5 novos tracks cheos de dinamismo lírico e musical, dos que xa nos anticiparon por onde ían ir os tiros con “OG”, o primeiro adianto do álbum e un auténtico crossover feat. Boyanka Kostova que xa acadou a categoría de himno galego 2.0. 

Este EP supón un paso máis alá na rica e extensa carreira musical da banda, co que Mou, Sokram, Jamas e Dj Murdock, sacan unha vez máis o mellor de si mesmos e onde os podemos ver máis cómodos e en forma ca nunca achegándose a distintos xéneros pero sempre baixo a batuta do seu inconfundible hip hop. As diferentes texturas vocais e versátiles estilos dos tres Mc´s  desbórdanse sobre unhas eclécticas instrumentais nunha perfecta combinación de enxeño, humor, poética e habilidades narrativas. Destaca tamén o track “A_Molar”,  feat. High Paw, outra das interesantes colaboracións do EP, no que a talentosa singjay de Vigo aporta unha nova sonoridade vocal á banda e coa que acadan un resultado irrefreable, moi pegadizo á vez que agre e doce ao mesmo tempo. 

“En que ano estamos?!” semella a pregunta máis axeitada nestes tempos de incredulidade e incerteza absoluta, no que cada novo día semella un avance e un retroceso nunha mesma liña temporal que nos desorienta, mergullándonos nunha vertixinosa e volátil realidade. Cada canción deste novo traballo é capaz de arrincarnos sorrisos incómodos a través de verdades coma puños sen filtros de beleza. Un exercicio de reflexión, sinceridade e espontaneidade que só os Dios Ke Te Crew conseguen facer dese xeito, meténdote no seu particular universo apegado á actualidade, cargado de aceda retranca, palpable ironía e certeira sátira.

 2019 I LP I DKTC SONS

2017 I VIDEO - SINGLE I  DKTC SONS

(Gal)

Despois de gañar o premio ao mellor artista galego de Hip Hop 2016  co seu LP "Chuvia Ácida" e ser elexido un dos dous únicos artistas galegos no circuito GPS 2017 (Girando por Salas). Sokram, volta pra rachar os esquemas do xénero con este novo video-sinxelo titulado `NIght Club´. Un potente latigazo de rap e un suculento cocktail de decibelios con sabores blues, rock e drum&bass, coma de costume con Møu na producción e Santino á guitarra. O video, foi creado polo artista audiovisual A.L.Crego, internacionalemente recoñecido coma un dos máximos expoñentes do Gif Art.

------------------------------------------

(Cast)

Después de ganar el premio al mejor artista gallego de Hip Hop 2016 con su LP "Chuvia Ácida" y de ser elegido uno de los dos únicos artistas  para representar a Galicia en el circuito GPS 2017(Girando por Salas). Sokram, vuelve a romper los esquemas del género con este nuevo Video-Single titulado ”Night Club”. Un potente latigazo de rap y un suculento cocktail con sabores Blues, Rock y Drum&Bass, como de costumbre con Møu en la producción y Santino  a la guitarra El video, ha sido creado por el artista audiovisual A.L.Crego, internacionalmente conocido como uno de los mayores exponentes del Gif Art.

2015 I LP I Edición en Vinilo + CD + Fanzine I DKTC SONS

2013 I MAXI I DKTC SONS

2011 I LP I BOA MUSIC

2010 I MIXTAPE I DKTC SONS

(Gal)

Segunda referencia discográfica do irmán MØU, productor e Mc do colectivo. Un conxunto de temas que se fixeron de forma individual, algúns con diferentes artistas, outros puramente instrumentais e que foron enlazados neste traballo recopilatorio a modo de mixtape.

----------

(Cast)

Segunda referencia discográfica del hermano MØU, productor y Mc del colectivo. Un conjunto de temas que se hicieron de forma individual, algunos con diferentes artistas, otros puramente instrumentales y que fueron enlazados en este trabajo recopilatorio a modo de mixtape. 

2009 I MAXI I DKTC SONS

2007 I LP I DKTC SONS

2006 I LP I BOA MUSIC